Konatar: Da je u julu usvojen predlog URE, prosječna penzija već ovog mjeseca premašila bi 600 eura
Da je parlamentarna većina u julu podržala prijedlog Građanskog pokreta URA da se svim penzionerima povećaju primanja za 40 eura, prosječna penzija u Crnoj Gori ovog mjeseca već bi premašila 600 eura - poručio je član predsjedništva te partije Miloš Konatar.
On je naveo da podaci Fonda PIO od petka pokazuju da je prosječna avgustovska penzija iznosila 561,34 eura i da je 70 centi manja u odnosu na julsku.
Kako je kazao, penzionerima bolji standard ne treba pred izbore, već odmah.
- Troškovi života svakodnevno rastu, a cijene osnovnih životnih namirnica i ljekova otišle su u nebo - kazao je Konatar.