Albanija: Počela gradnja još jedne dionice autoputa koji će voditi do Crne Gore

Nakon dionica od Kašara kod Tirane do Tumana, te dionice Tuman - Miljot, danas je počela gradnja dijela od Miljota do Baldrena.

Riječ je o dionici u okolini Lješa, dugoj oko 20 kilometara.

Premijer Albanije Edi Rama naglasio je kako je riječ o jednom od ključnih projekata na sjeveru te države.

Riječ je o 'plavom koridoru', koji je dio buduće Jadransko-jonske saobraćajnice.

Nakon što autoput bude izgrađen do Baldrena, uslijediće gradnja i posljednje preostale dionice - ka krajnjem sjeveru, odnosno prema Murićanu i našoj granici. Ta dionica biće duga 41 kilometar, pri čemu će istovremeno biti izgrađena i pristupna saobraćajnica iz pravca Skadra.