(VIDEO) Igralište na Cetinju meta vandala: Uljem po stolu za stoni tenis
Na dječijem igralištu u naselju Gipos, na Cetinju tokom noći je posuto ulje preko stola za stoni tenis. Ovaj čin vandalizma zabrinjava i s pravom postavlja pitanje kome smeta mjesto gdje se djeca i mladi okupljaju kako bi se družili i provodili slobodno vrijeme, prenosi RTV Cetinje.
Ova mjesta predstavljaju prostor zajedništva, igre i zdravog odrastanja. Uništavanje javnih površina, a naročito ovakvog mjesta koje predstavlja našu djecu nije samo napad na imovinu, već i na sve nas, u ovom slučaju na naše najmlađe, na našu budućnost.
U vremenu kada je djecu sve teže odvojiti od ekrana, od tehnike ne smijemo dozvoliti da im se uništavaju mjesta na kojima vole provoditi svoje vrijeme, na otvorenom, u igri i druženju.
Igrališta pripadju djeci. Neka tako i ostane.
Nemojte im uništavati odrastanje.