Žakelj: Igračima se vratilo za sve ono kako treniraju poslije Evrokupa

Mislim da su zasluženo dobili utakmicu. Vratilo im se za sve ono kako treniraju u posljednje vrijeme poslije Evrokupa, uz sve probleme koje konstantno imamo sa povredama - ocijenio je trener Budućnosti Volija nakon što su pobijedili Partizan rezultatom 95:89 i stigli do 17. pobjede u ABA ligi.

Pokazali su, ističe on, dobar karakter i pristup.

- I to je najbitnije. Partizan je u ovom momentu bio veliki favorit, sa vrlo dobrom igrom i formom u Evroligi. Drago nam je da nam je uspjelo da dobijemo tako dobar tim, uz pomoć navijača. Atmosfera je bila vrhunska - rekao je Žakelj.

Slovenački stručnjak je istakao da je njegova ekipa “počela meč malo mekanije”.

- Dali im neke otvorene šuteve, nešto smo i mi riskirali, nije nam se isplatilo, ali smo na kraju malo to promijenili i na kraju uz dobar pristup, koncentraciju dobili smo utakmicu. Svaki igrač koji je ušao je dao doprinos pobjedi, ne mislim samo na poene, već na odbranu i na neke druge vrlo bitne stvari. Ovo je timska pobjeda - dodao je Žakelj.

Trener „plavih“ je istakao da je uvijek najbitnije osnovne stvari u igri.

- Malo smo promijenili odbranu, barem smo pokušali, i mislim da se to isplatilo. Bili smo agresivniji malo, tu je odličan posao odradio Kovljiar. Ali, ponavljam, na kraju je to bio timski rad i timska pobjeda.

Žakelj kaže da je znao kakvu odbranu Partizan igra i gdje može da traži poene.

- Džeri Butsijel je dobro iskoristio dogovorene stvari, normalno uz pomoć ostalih igrača. Imali smo plan utakmice, ne ide sve uvijek tako kako zamisliš. Danas je fokus bio bolji nego u prošlim utakmicama. Na kraju je rezultiralo pobjedom - kazao je Žakelj.